તમે નીકળોને ચાંદની વાતો ન નીકળે તે કદી ન બને,
તમારી ઝૂલૂફોમાં ચાંદનીના દર્શન કરું.
તમે નીકળોને વિજળી ન શરમાય તે કદી ન બને,
તમારા એક સ્મિત માટે આંશુથી દરીયા ભરું.
તમારી નજરના જાદૂની અસર ન હોય તે કદી ન બને,
નજરનો દિવાનો હું તમારી ગલીમાં મરું.
તમારા શબ્દોની હું અવગણના કરું તે કદી ન બને,
તમારી વાતોને તો જુઓ હું વાયદા સમજું.
તમારા પગરવને હું જો ન પહેચાનુ તે કદી ન બને,
તમારા પગલે પગલે હું મારા પાળિયા કરું.
તમે આવોને હું દીવો ન કરું તે કદી ન બને,
તમે કહો તો મારું ઘર બાળીને પણ અજવાળું કરું.
તમે હસતા હસતા સજા ન કરો તે કદી ન બને,
તમને ખુશ જોવા કાજ હર સીતમને હસીને સહું.
તમને હું ન મળુ પણ યાદ ન કરું તે કદી ન બને,
તમારા નામની હું જુઓ જીવન ભર આહો ભરું.
તમે આવો મારી કબર પર તે કદી ન બને,
જો આવો તો મને જીવતો કરવા ખૂદાને મજબુર કરું.
-dhadkan
No comments:
Post a Comment