મારું એક અધૂરું શાંતિ-કાવ્ય -

 

હોમ મિનિસ્ટરના ત્રણેક ફોન

તો આવી ગયા છે

છેલ્લો તો એકદમ ટૂંકો હતો:

કવિતાની પત્તર ખાંડવાનું બંધ કરીને

 આ ગ્રોસરી સ્ટોરપરથી

મને લઈ જાવ એકદમ જલદી!

હું તો કેવો મશગૂલ હતો

એક વિશ્વશાંતિ પરની એક કવિતા લખવામાં

આખું જગત ચાહે છે શાંતિ,

શાંતિ જોઈએ છે નોકરી માટેની લાઈનો પર,

શાંતિ જોઈએ છે ગેસ સ્ટેશનો પર,

શાંતિ જોઈએ છે ફેસબુક પર

પણ શાંતિ પરની આ કવિતા

કેવી રીતે પૂરી કરું ?

જ્યારે ગ્રોસરી સ્ટોરપરથી

યુદ્ધનાં નગારાં

આમ જોર શોરથી વાગી રહ્યાં હોય !
                           -bharat trivedi